Bölmə

Karlanın rəhbərlik etdiyi İspaniya antiterror polis dəstəsi uzun müddətdir təhlükəli qruplaşmaların qarşısını almağa çalışır. Həyata keçirilən xüsusi əməliyyat nəticəsində radikal təşkilatın ən qorxulu liderlərindən biri olan Əl Salah Qərhib həbs edilir. Lakin əməliyyatın gətirdiyi sevinc qısa çəkir.

Liderlərinin həbsindən sonra ekstremistlər qisas planı qurmağa başlayırlar. Əl Salahın oğlu və onun yolunu davam etdirənlər bu yolda öz canlarını qurban verməyə hazır olduqlarını nümayiş etdirərək ölkəyə qarşı ciddi təhlükə yaradırlar. Karlanın komandası yeni təhdidlərin qarşısını almaq üçün fəaliyyətini davam etdirir.

İspaniya istehsalı olan «La Unidad» adlı kriminal dram serialı üç mövsümdən ibarətdir. Ekran əsərinin rejissorluğunu Deni De La Torre və Oskar Santos həyata keçiriblər. Baş rolları Natali Posa, Mişel Noyer, Marian Alvares və Fariba Şeyxan canlandırıblar.