Smeris

Tilburq qətl şöbəsinin təcrübəli müstəntiqi Teo Kamp işində uğurlu olsa da, həddindən artıq çılğın xarakterə malikdir. Növbəti mafiya axtarışı zamanı qoyulan sərhədləri aşması onun karyerasına təsirsiz ötüşmür. Rəhbərlik qaydaları pozduğuna görə cəza olaraq onu narkotiklərlə mübarizə bölməsinə göndərir.

Yeni təyinat yerində Teo öz davranışlarına ciddi nəzarət etmək məcburiyyətində qalır. Onun yeni tərəfdaşı Uilyam Nissen prinsipiallığı və dürüstlüyü ilə tanınan bir detektivdir. Qanunlara dəqiqliklə riayət edən Nissen səbirsiz və riskli hərəkətlərə meyilli həmkarının hər addımını diqqətlə izləyir.

Niderland istehsalı olan «Smeris» serialı Mark Uillard və Devid Lammers tərəfindən çəkilib. 2014-cü ildən yayımlanan cinayət dramı beş mövsümdən ibarətdir. Baş rolları Yerun van Koninqsbrüqqe, Dennis van De Ven, Kiki van Dörsen və Dan van Deysseldonk canlandırıb.