Kral cangüdəni

Kipr və Şimali İrlandiyadakı hərbi əməliyyatlarda iştirak etmiş keçmiş qvardiyaçı Qay Habbl uzun müddət Bukinqem sarayının qarajına rəhbərlik edirdi. Lakin dövlət parlamentinin açılış mərasimində kraliçanın həyatını xilas etdikdən sonra hər kəs üçün gözlənilməz bir qərar verilir. Sıravi menecer bir anda monarxın şəxsi mühafizəçisi təyin olunur.

Habbl öz vəzifəsinə son dərəcə ciddi yanaşsa da, onun addımları tezliklə xarici səfirlər, həmkarları və ictimaiyyət nümayəndələri üçün narahatlıq yaratmağa başlayır. Hətta bir neçə dəfə kral ailəsinin təhlükəsizliyini təhdid altına atsa da, kapitan ən çətin vəziyyətlərdən belə üzüağ çıxmağı bacarır.

Böyük Britaniya istehsalı olan «The Royal Bodyguard» komediya serialı 2011-ci ildə nümayiş olunub. Layihənin rejissor kürsüsündə Mark Bassell və Castin Sbresni əyləşib. Əsas rolları Devid Ceyson, Ceffri Vaythed, Tim Bentink və Tim Dauni canlandırıblar.