Ehtiraslı qadın

Uşaqlıqda Risa anası ilə birlikdə Taylandda zərgərlik biznesinə rəhbərlik edən atasının varlı ailəsinin zülmünə məruz qalır. Təqiblərdən canlarını qurtarmaq üçün onlar ölkəni tərk etməyə məcbur olurlar. Xaricdə sığınacaq tapan anası bir monarxla evlənir və Risa həqiqi şahzadə statusu qazanır.

İllər sonra keçmişdəki travmalar ucbatından anasının səhhəti pisləşir və qadın görmə qabiliyyətini itirir. Haqq-ədaləti bərpa etmək istəyən Risa anasının etirazlarına baxmayaraq gizlicə vətəninə qayıdır. O, intiqam planını həyata keçirmək məqsədilə öz şəxsiyyətini gizlədərək atasının zərgərlik şirkətinə adi işçi kimi daxil olur.

2016-cı il istehsalı olan «Plerng Naree» adlı Tayland serialının rejissoru Nongnut Chawaladır. Əsas rolları Tik Jesdaporn Pholdee, Theephob və Mai Davika Hoorne canlandırıblar.