Marks no Yama

Tokionun yaşayış məhəllələrindən birində keçmiş yakuza üzvünün cəsədi tapılır və bu cinayəti araşdırmaq paytaxt polisinin müfəttişi Yuichiro Godaya həvalə edilir. Çox keçmədən Ədliyyə Nazirliyinin məmuru da eyni qeyri-adi və amansız üsulla qətlə yetirilir. Hadisələrin vahid qatil tərəfindən törədildiyi aydın görünsə də, polis rəhbərliyi Godaya təzyiq göstərərək cinayətləri bir-biri ilə əlaqələndirməyi qadağan edir.

Eyni vaxtda psixiatriya xəstəxanasından Hiroyuki Mizusava adlı gənc azadlığa buraxılır. Uşaqlıqda dağlarda baş vermiş faciəli hadisələrin xatirələrindən xilas ola bilməyən gəncin gündəliyində tez-tez sirli «Marks» adı qeyd olunur.

«Marks no Yama» serialı 2010-cu ildə Yaponiyada istehsal edilib. Çoxseriyalı triller janrlı layihənin rejissor kürsüsündə Kosuke Suzuki və Toshiyuki Mizutani əyləşib, əsas rolu isə Takaya Kamikawa canlandırıb.