Autsors

1990-cı illərin ortalarında, Rusiyada ölüm hökmünə qadağa qoyulmasından bir qədər əvvəl Konstantin xüsusi təyinatlı həbsxanada nəzarətçi kimi fəaliyyətə başlayır. Zərərçəkmişlərdən birinin atası ilə görüşdükdən sonra o, cəzanı icra etmək hüququnun məhz qurbanların yaxınlarına məxsus olduğu qənaətinə gəlir. İş yoldaşlarının köməyinə arxalanan Konstantin ölüm hökmlərinin icrasını kənar şəxslərə həvalə edən qeyri-adi bir sistem qurur.

Bu təşəbbüs qısa zamanda gəlir mənbəyinə çevrilir. Lakin pul işin içinə girdikcə ədalət anlayışı arxa plana keçir və qazanc əldə etmək naminə ətrafdakı insanlar bütün mənəvi dəyərləri tapdalamağa hazır vəziyyətə gəlirlər.

2025-ci ildə nümayiş olunan Rusiya istehsalı «Autsors» dram serialının rejissoru Duşan Qliqorovdur. Ekran əsərində baş rolları İvan Yankovski, Eldar Kalimulin, Danil Steklov və Vitali Kovalenko canlandırırlar.