Sahibə

Varlı və gənc Rexina Vilyareal doğma ana kimi sevdiyi xalası Berenise və ona gizlicə həsəd aparan əmisi qızı Laura ilə bir yerdə yaşayır. Toy günü nişanlısı Maurisio tərəfindən mehrab önündə tərk edilən Rexina ağır zərbə alır. Bu xəyanət nəticəsində əvvəlki mülayim və xeyirxax qız soyuqqanlı, sərt xarakterli bir qadına çevrilir.

Keçmişdən uzaqlaşmaq istəyən Rexina özünə məxsus Los Kaskabeles malikanəsinə köçür və burada qonşu mülkün sahibi Xose Mariya ilə tanış olur. Malikanənin idarəçisi Makarionun qurduğu məkrli planlar ucbatından ətrafda yaşayan insanlar tezliklə yeni sahibəyə nifrət etməyə başlayırlar. Bütün bu dedi-qodulara və Rexinanın daxili qapalılığına baxmayaraq, Xose Mariya ona aşiq olur və qadının qəlbindəki buzları əritməyə çalışır.

«Sahibə» adlı Meksika istehsalı olan melodram serialı 1995-ci ildə ekranlara çıxıb. Ekran əsərinin rejissoru Roberto Qomesdir. Layihənin əsas rollarını Anxelika Rivera, Sintiya Klitbo, Norma Herrera və Migel Pisarro canlandırıblar.