Müqəddəs yalan

Varlı keçmişini itirmiş ailənin başçısı don Erazmo de la Mora ölüm ayağında olarkən beş övladını böyüdən xadimə Esperanza ilə evlənir. O, ailənin salamat qalmış azsaylı mülkünü yalnız bu qadının qoruya biləcəyinə inanır. Lakin ata dünyasını dəyişdikdən sonra Mireyya və Dieqo analıqlarını düşmən kimi qarşılayırlar. Onlar Esperanzanın sərvət naminə atalarını məcbur etdiyini düşünürlər. Əslində isə ailənin fəxrlə daşıdığı soyada sahib olan Dieqo Esperanzanın öz oğludur və bu sirri yalnız böyük qardaş Fabrisio bilir.

Evdəki gərginlik Dieqonun amansız hərəkətləri ilə daha da böyüyür. Dostu Saulla tanış olduqdan sonra onun sevgilisi Marqaritanın bacısı Karolinanı aldadan Dieqo qız hamilə qalanda onu tərk edir. Çarəsiz qalan Karolinaya yenə Esperanza qucaq açır. Bu azmış kimi, Dieqo atasının digər qızı olan Cessika Vilyarrealın ardınca qaçmağa başlayır. Hadisələrin fəlakətə çevrilməməsi üçün Esperanza növbəti dəfə onun qarşısını kəsməyə məcbur olur.

«Bendita Mentira» Meksika istehsalı olan melodram serialı kimi 1996-cı ildə tamaşaçılara təqdim olunub. Layihənin rejissor kürsüsündə Lorenso de Rodas və Karina Dupres əyləşiblər. Əsas obrazları Anxelika Mariya, Mariana Levi, Serxio Katalan və Ana Patrisiya Roxo canlandırıblar.