Ən Yaxşı Dərman

Bostondan olan peşəkar cərrah Martin Best karyerasını dəyişərək Men ştatındakı sakit sahil qəsəbəsinə köçür. Uşaqlıq illərinin yay tətilini məhz burada keçirən həkim indi yerli sakinləri adi terapevt kimi qəbul etməyə başlayır.

Yüksək tibbi bacarıqları sayəsində tez bir zamanda cəmiyyətdə mühüm yer qazansa da, Martinin kobud davranışı insanları ondan uzaqlaşdırır. O, bir tərəfdən pasiyentlərlə dil tapmağa çalışır, digər tərəfdən isə daxili qorxuları ilə mübarizə aparıb şəxsi münasibətlərini yoluna qoymaq məcburiyyətində qalır.

ABŞ istehsalı olan «Best Medicine» komediya-dram serialı 2 mövsümdən ibarətdir və 2026-cı ildə yayımlanıb. Layihənin rejissor kürsüsünü Cey Karas və Cemi Babbit bölüşüb, baş rollarda isə Coş Çarlz, Ebiqeyl Spenser, Kri Çikçino və Coş Seqarra çəkiliblər.