Kolorina

Kolorina ləqəbli rəqqasə Fernanda gecə klubunun müştərilərindən biri tərəfindən aldadıldıqdan sonra haqqını tələb etmək üçün varlı Almasan ailəsinin malikanəsinə yollanır. Bu qərar onun həyatını gözlənilməz məcraya yönəldir. Qadın orada borclunun qardaşı Qustavo Adolfo ilə qarşılaşır və tərəflər arasında münasibət yaranır. Qustavonun xəstə xanımından övladının olmaması ailənin başçısı olan ananın diqqətini bu əlaqəyə cəlb edir.

Nüfuzlu ana Fernandaya böyük məbləğ qarşılığında uşaq dünyaya gətirib onu ailəyə verməyi təklif edir. Yoxsulluqdan qurtulmaq üçün razılaşan gənc ana körpəsi doğulduqdan sonra fikrindən daşınır, lakin körpəni geri almaq mümkün olmur. Çıxış yolunu qaçışda görən Kolorina izini itirmək üçün kabaredə atılmış iki başqa uşağı da yanına alaraq şəhəri tərk edir. İyirmi il sonra varlı modelyer kimi geri dönən Fernanda burada illər əvvəl sevdiyi və onu tanımayan Qustavo ilə yenidən üz-üzə gəlir.

Meksika istehsalı olan melodram janrlı «Kolorina» serialı 1980-ci ildə ekranlara çıxıb. Layihənin rejissoru Dimitrio Sarrasdır. Əsas obrazları Lusiya Mendes, Enrike Alvares Feliks, Xulissa və Mariya Teresa Rivas canlandırıblar.