Çirkli su sülaləsi

İyirmi yaşlı Riçard İstvik Avstraliyaya böyük bir məqsədlə gəlir. O, heç bir kənar intriqalara qarışmadan, yalnız şəxsi zəhmətinə arxalanaraq güclü bir ailə sülaləsi yaratmaq niyyətindədir. Burada missioner qızı olan enerjili Ket ilə tanışlığı onun həyatını dəyişir və gənc oğlan birgə gələcəkləri üçün təcili ev və iş tapmaq məcburiyyətində qalır.

Sevgi Riçardı şəxsi işini qurmaq yolunda daha da əzmlə çalışmağa sövq edir. Tale onun qarşısına ağır sınaqlar çıxarsa da, qəhrəman qırx yaşına çatanda ölkənin ən varlı simalarından birinə çevrilir. Lakin arzuladığı imperiyanı və sülaləni qurmaq ona olduqca baha başa gəlir.

Avstraliya istehsalı olan «The Dirtwater Dynasty» dram serialı 1988-ci ildə ekranlara çıxıb. Ekran işinin rejissorluğunu Maykl Cenkins və Con Pauer həyata keçirib. Baş qəhrəmanı Hyuqo Uivinq canlandırıb, digər rollarda isə Viktoriya Lonqli, Stiv Ceykobs və Bryus Spens çəkiliblər.