Dolunay

Tələbə Nazlının ən böyük arzusu peşəkar aşpaz olmaq, yapon mətbəxinin sirlərinə yiyələnmək və nəhayət öz restoranını açmaqdır. Təhsil xərclərini qarşılamaq və dolanışığını təmin etmək üçün o, müvəqqəti iş axtarmağa məcbur qalır. Nəticədə gənc qız Ferit adlı zəngin və ciddi bir iş adamının şəxsi aşpazı vəzifəsinə qəbul edilir.

İlk vaxtlar tamamilə fərqli xarakterə malik olan bu iki insanın ünsiyyəti yalnız iş çərçivəsində qalır. Lakin baş verən gözlənilməz təsadüflər onları bir-birinə yaxınlaşdırır və aralarında romantik hisslər oyanır. Bununla belə, mövcud şərtlər və çətinliklər səbəbindən onların birlikdə olması qeyri-mümkün görünür.

Türkiyə istehsalı olan «Dolunay» serialı dram və romantik komediya janrlarını özündə birləşdirir. 2017-ci ildə ekranlara çıxan ekran əsərinin rejissoru Çağrı Bayraqdır. Baş rolları Özge Gürel, Can Yaman, Hakan Kurtaş və Necip Memili canlandırıblar.