A hərfi ilə başlayan söz

Hughes ailəsinin gündəlik qayğıları digər evlərdən heç nə ilə fərqlənmirdi: valideynlər işləyir, bəzən mübahisə edir, sonra isə barışırdılar. Lakin kiçik oğullarına autizm diaqnozu qoyulduqdan sonra ailənin bütün nizamı kökündən sarsıldı.

Doğmalar uşaqla ünsiyyət qurmaq üçün yeni yollar axtarmalı və bir-birlərinə münasibətlərini yenidən nəzərdən keçirməli olurlar. Artıq hər bir ailə üzvü oğlanın fərqli xüsusiyyətlərini qəbul etmək və gözlənilməz çətinliklərin öhdəsindən birlikdə gəlmək məcburiyyətindədir.

Böyük Britaniya istehsalı olan «The A Word» dram serialı 2016-cı ildə ekranlara çıxıb və 3 mövsümdən ibarətdir. Layihənin rejissor kürsüsündə Susan Tully və Peter Cattaneo əyləşib, əsas obrazları isə Max Vento, Lee Ingleby, Christopher Eccleston və Molly Wright canlandırıb.