Krutaya peremena

Andrey vaxtilə ailəsinin müəllimlik ənənəsini bir kənara qoyaraq biznes qurmaq üçün Moskvaya yollanmışdı. Lakin işləri iflasa uğradıqdan sonra maddi vəziyyətini düzəltməyin yeganə yolu ailəsinə məxsus qədim mülkü satmaq olur. Rəvayətə görə Puşkinin də yaşadığı bu evi satmaq üçün həbsdə olan atasının razılığı tələb olunur, atası isə dəmir barmaqlıqlar arxasına düşməsində oğlunu günahlandırır.

Atası ilə əlaqə qurmaq istəyən Andrey hiyləyə əl ataraq həbsxananın nəzdindəki axşam məktəbinə müəllim kimi daxil olur. Niyyətinin ciddiliyini sübut etmək üçün o, eyni zamanda adi orta məktəbdə də ədəbiyyat dərsləri deməyə başlayır. Beləliklə, qəhrəman gündüzlər yeniyetmələrə, axşamlar isə məhbuslara dərs deyir və bəzən hansı mühitin daha təhlükəsiz olduğunu ayırd etmək çətinləşir.

«Krutaya peremena» adlı Rusiya istehsalı olan bu komediya-dram serialı 2023-cü ildə ekranlara çıxıb. Rejissoru Karen Oqanesyan olan layihənin baş rollarında Nikita Yefremov, Olqa Medıniç, İvan İvaşov və Sofya Serebryanskaya çəkilib. Ekran əsəri 2 mövsümdən ibarətdir.