Qaranlıq yetim

Valideyn qayğısından məhrum böyüyən və özünü bu dünyada tamamilə tənha hiss edən Sara həyatın çətinlikləri ilə təkbaşına mübarizə aparmağa adət edib. Bir gün o, dəmir yolu stansiyasında gənc bir qadının intiharına şahid olur. Ən qorxulu məqam isə həyatına son qoyan həmin qadının zahirən Saraya bir almanın iki yarısı qədər bənzəməsidir. Çıxış yolu axtaran Sara cəsarətli addım ataraq ölənin şəxsiyyətini mənimsəyir.

Lakin başqasının həyatını yaşamaq qıza gözlədiyi rahatlığı gətirmir. Əksinə, bu qərar onu yeni və təhlükəli hadisələrin girdabına sürükləyir. Çox keçmir ki, Sara onların arasındakı bu qeyri-adi bənzərliyin sadəcə təsadüfdən ibarət olmadığını anlamağa başlayır.

Kanada istehsalı olan «Orphan Black» elmi-fantastik triller serialı 2013-cü ildə yayımlanıb və cəmi beş mövsümdən ibarətdir. Ekran əsərinin rejissorları Con Fouset və Devid Freyzidir, baş rolları isə Tatyana Maslani, Cordan Cavaris, Mariya Doyl Kennedi və Dilan Brüs canlandırıblar.