Sunami

Dağıdıcı təbii fəlakət müxtəlif insanların həyatını faciəyə çevirir. Gənc ər-arvad Yan və Syuzi Karter sunami zamanı itkin düşmüş altıyaşlı qızları Martanı axtarırlar. Eyni vaxtda Kim Pibodi oğlu Adamla birlikdə ailə başçısı Ceymsi və böyük oğlu Conu tapmağa çalışır. Taylandlı ofisiant Txana isə həm ailəsini, həm də bütün kəndini itirməyin ağrısı ilə üz-üzə qalır.

Zərərçəkənlər yaxınlarını arayarkən, vəziyyətə nəzarət etmək rəsmi şəxslərin və könüllülərin üzərinə düşür. Məmur Toni Uittaker bürokratiyanın bu cür fəlakət qarşısında acizliyini anlayır, xristian xeyriyyə təşkilatının əməkdaşı Keti Qrem insanlara kömək göstərməyə səy göstərir, jurnalist Nik Freyzer isə xəbərdarlıq sisteminin niyə vaxtında işləmədiyini araşdırır.

«Tsunami: The Aftermath» adlı dramatik serial 2006-cı ildə ABŞ və Böyük Britaniyanın birgə istehsalı ilə ərsəyə gətirilib. Ekran işinin quruluşçu rejissoru Bharat Nalluridir, baş rolları isə Tim Rot, Çivetel Eciofor, Sofi Okonedo və Hyu Bonnevill canlandırıb.