Krallar

Gilboa və Qef dövlətləri arasında qanlı hərbi toqquşmalar səngimək bilmir. Sıravi döyüşçü Devid Şeperd düşmənin «Qoliaf» tankını sıradan çıxarıb monarx Saylasın əsir düşmüş oğlunu xilas etdikdən sonra ölkə daxilində məşhurlaşır. Cəsur əsgərin adı dərhal hər yerdə yayılır.

Saylas xilaskarı saraya dəvət edərək onun şərəfinə ziyafət təşkil edir. Beləliklə, gənc döyüşçü siyasi elitanın mərkəzinə düşür. Yaranan bütün çətinliklərə baxmayaraq, Devid pillə-pillə cəmiyyətin ən yüksək mərtəbələrinə doğru irəliləyir.

ABŞ istehsalı olan «Kings» dram və fantastika janrında çəkilmiş serialdır və ekranlara 2009-cu ildə çıxıb. Layihənin rejissorluğunu Frensis Lourens və Edvard Byanki həyata keçirib, baş rollarda isə İen Makşeyn, Kristofer İqan, Süzanna Tompson və Ellison Miller yer alıb.