İspaniya, əfsanə

Qüdrətli Roma imperiyası Pireney torpaqlarını özünə tabe etmək niyyətində olsa da, yerli əhali yadelli işğalçılara boyun əymək fikrində deyil. Müqavimət hərəkatının önünə çıxan cəsarətli lider Viriat azadlıq naminə pərakəndə düşmüş üsyançı qüvvələri vahid cəbhədə birləşdirir.

Döyüşçülər yalnız torpaqlarını deyil, həm də ailələrini qorumaq məcburiyyətində qalırlar: onlar əsir düşmüş qadınlarını xilas edir, qətlə yetirilən övladlarının intiqamını alır və əllərindən alınmış evlərini geri qaytarmağa çalışırlar. Gizli partizan hücumları tədricən Roma legionlarına qarşı açıq və genişmiqyaslı toqquşmalara çevrilir.

2010-cu ildə İspaniyada çəkilən «Hispania, la leyenda» tarixi dram serialının rejissor kürsüsündə Xorxe Sançes-Kabesudo və Alberto Rodriges əyləşib. Cəmi üç mövsümdən ibarət ekran əsərinin baş rollarını Roberto Enrikes, Xuan Xose Balesta və Xesus Olmedo kimi aktyorlar canlandırıb.