Böyük ümidlər

Yetim qalmış Pip bacısı və dəmirçi olan yeznəsinin himayəsində böyüyür. Bataqlıqda gizlənən qaçaq məhbusla qarşılaşan oğlan ona kömək əlini uzadır. Cinayətkar yenidən ələ keçirilsə də, uşağın bu yaxşılığını unudub onu ələ vermir. Çox keçmədən, illərdir cəmiyyət arasına çıxmayan sirli və varlı miss Hevişem bu gəncin taleyi ilə maraqlanmağa başlayır.

Qəribəlikləri ilə tanınan zəngin qadın savadsız Pipə əsilzadə davranışlarını öyrədir və onu övladlığa götürdüyü qızı Estella ilə tanış edir. Yeddi il sonra qapıya gələn vəkil Pipə gizli bir himayədardan xəbər gətirir. Həmin şəxs gəncin Londonda yaşaması, təhsil alması və cənab kimi formalaşması üçün bütün xərcləri ödəyəcəyini bildirir. Lakin dəmirçi şagirdliyindən qurtulan Pip xeyirxahının kimliyini yalnız yetkinlik yaşına çatdıqda öyrənə biləcək.

Böyük Britaniya və ABŞ istehsalı olan «Böyük ümidlər» («Great Expectations») dram serialı rejissor Brayan Kirk tərəfindən lentə alınıb. 2011-ci il layihəsində baş rolları Duqlas But, Cek Rot, Rey Uinston və Devid Suşe canlandırır.