Incantesimo

Gənc həkim Barbara Nardi tibb sahəsində böyük uğurlar qazanmaq istəyir, eyni zamanda ailəsini və sevgisini qorumağa çalışır. Lakin qadının həyatı ard-arda gələn sınaqlarla üzləşir. Xəstəxanada bətnindəki körpəsini itirən Barbara evə qayıtdıqda daha bir zərbə alır: əri ona xəyanət etdiyini boynuna alır. Bütün bunlara baxmayaraq, o, ərini bağışlamaq qərarına gəlir.

Eyni vaxtda keçmiş münasibətlər yenidən gündəmə gəlir. Barbaranın vaxtilə çalışdığı klinikanın rəhbərliyi onu təkidlə işə qaytarmaq istəyir. Qadının keçmiş sevgilisi Tomas isə həmin klinikanın rəhbəri Covanna ilə birlikdə yeni bir həyata başlamağa cəhd edir.

İtaliya istehsalı olan «Incantesimo» dram serialı 1998-ci ildə işıq üzü görüb və 2 mövsümdən ibarətdir. Layihənin rejissor kürsüsündə İtalo Peşe Delfino və Raffaele Vertsillo əyləşib. Baş rolları Delia Bokkardo, Alessio Di Klemente, Massimo Bulla və Paolo Romano canlandırıblar.