Sinisiz cənnət yoxdur

On yeddi yaşlı Katalina ailəsinə bağlı, təhsilli bir qızdır. Atası illər əvvəl onları tərk edib dünyasını dəyişdiyindən, qardaşı Xesus məktəbi yarımçıq qoyaraq anasına və bacısına dəstək olmaq üçün işləməyə başlayıb. Zahirən xoşbəxt və gülümsər görünsə də, gənc qız kiçik sinəsinə görə ciddi kompleks keçirir.

Uşaqlığı çətin şəraitdə keçən, sərxoş atasının zərbələrindən qorunmaq üçün tez-tez Xesusun evinə sığınan Rafael isə artıq tamamilə başqa bir insana çevrilib. Ailə qayğısından məhrum böyüyən bu gənc hər yola əl ataraq ölkənin ən iri narkokuryerlərindən biri olub, hamının çəkindiyi «Hersoq» ləqəbini qazanıb. Dəbdəbəli həyata qovuşan Rafael köhnə məhəlləsinə qayıtdıqda az qala yetkinlik yaşına çatmış Katalina ilə yenidən üz-üzə gəlir.

İspaniya istehsalı olan «Sin tetas no hay paraíso» serialı melodram, dram və triller janrlarını birləşdirir. Qustavo Kotta və Mateo Melendresin çəkdiyi layihə 3 mövsümdən ibarətdir. Əsas rolları Amaya Salamanka, Mariya Kastro, Tais Blyume və Kseniya Tostado canlandırıb.