Uçuş

Moskvada fəaliyyət göstərən tikinti şirkətinin əməkdaşları Perm şəhərinə işgüzar səfərə hazırlaşırlar. Lakin hava limanını səhv saldıqları üçün onlar təyyarəyə vaxtında yetişə bilmirlər. Çox keçmədən məlum olur ki, gecikdikləri həmin təyyarə havaya qalxdıqdan dərhal sonra qəzaya uğrayıb.

Ölümdən təsadüf nəticəsində qurtulmaq personajların daxili dünyasında dərin iz buraxır. Baş verən dəhşətli hadisədən sonra həmkarlar öz keçmişlərinə fərqli nəzərlə baxır, həqiqi istəklərini və kim olduqlarını anlamağa çalışırlar.

«Uçuş» («Polet») adlı dramatik triller serialı 2019-cu ildə Rusiyada ekranlara çıxıb. Rejissor Pyotr Todorovskinin çəkdiyi layihədə baş rolları Oksana Akinşina, Nikita Yefremov, Mixail Yefremov və Yevgeniya Dobrovolskaya paylaşıblar.