Ata

Emin Saruhanlı Anadolu qəsəbələrindən birində qurduğu qapalı və sadə nizamla böyük bir ailəni idarə edir. O, illər öncə bütün bağlarını qopardığı qardaşı Mehmetlə heç vaxt əlaqə saxlamayıb. Mehmet isə böyük şəhərdə uğurlu iş adamına çevrilib, lakin onun qəfil və faciəvi ölümü hər şeyi alt-üst edir.

Mehmetin heç bir varisi olmadığı üçün nəhəng şirkət və var-dövlət Eminə qalır. Bu sərvəti əvvəlcə qəbul etmək istəməyən sərt ata sonda məcburiyyət qarşısında addım atır. Beləliklə, bütün Saruhanlı ailəsi İstanbula köçərək tamamilə fərqli bir mühitdə yeni reallıqlarla üzləşir.

Türkiyə istehsalı olan dram janrlı «Baba» serialının rejissoru Çağrı Bayrakdır. Layihə 2022-ci ildən yayımlanıb və 2 mövsümdən ibarətdir. Ekran əsərində əsas rolları Haluk Bilginer, Tolga Sarıtaş, Ayda Aksel və Özge Yağız canlandırır.