Lapsi

Kareliya kəndində bölgə üçün yad olan Qərbi Nil qızdırması ştammı aşkarlanır. Virusologiya İnstitutunun rəhbərliyi vəziyyəti araşdırmağı epidemioloqlar Vera Boyko və Nikolay Romanova tapşırır. Keçmişdə aralarında mürəkkəb münasibətlər olan həmkarlar bu səfərə çətinliklə razılaşırlar. Virusu axtararkən hər iki alim özlərində də həmin ölümcül xəstəliyin əlamətlərini hiss etməyə başlayır.

Qəhrəmanlar sirli Sariola adasına düşdükdə qəribə şəkildə xəstəlik səngiyir. Lakin bu yerdən uzaqlaşmaq istəyən kimi infeksiyanın simptomları dərhal geri qayıdır. Vera və Nikolay bir tərəfdən adanın qanunlarına uyğunlaşmalı, digər tərəfdən isə illər əvvəl bitmiş münasibətlərini çözərək buradan xilas olmağın yolunu axtarmalı olurlar.

«Lapsi» adlı Rusiya istehsalı olan dram serialı 2018-ci ildə nümayiş etdirilib. Layihənin rejissoru Artyom Aksyonenkodur. İki mövsümdən ibarət olan ekran əsərində baş rolları Mariya Maşkova, Daniil Vorobyov, Denis Paramonov və Diana Pojarskaya canlandırıb.