Böyrək

Yanğın təhlükəsizliyi müfəttişi Natalya Kustovanın işləri qaydasındadır, çünki hər yoxlamadan sonra cibini doldurmağı bacarır. Qazanc naminə o, doğma bacı və qardaşını belə aldatmağa hazırdır. Hər şeyin pulla həll olunduğunu düşünən Kustova bahalı mənzilə, brend geyimlərə və istədiyi sevgiliyə məhz bu yolla sahib çıxıb.

Lakin adi həkim müayinəsi hər şeyi alt-üst edir: gənc qadına təcili şəkildə sağlam böyrək lazımdır. Donoru tapmaq üçün onun cəmi üç ay vaxtı var, qanunvericilik isə bu orqanı yalnız qan qohumlarından götürməyə icazə verir. İllərdir incidiyi qohumların heç biri ona kömək etmək istəmir və Natalya çıxış yolu tapmaq üçün ağlasığmaz üsullara əl atmaq məcburiyyətində qalır.

«Böyrək» serialı rejissor Mariya Şulgina tərəfindən 2021-ci ildə Rusiyada çəkilib. Komediya və dram janrında olan layihənin baş rollarında Lyubov Aksyonova, Nikolay Fomenko, Anton Filipenko və İrina Rozanova çəkilib. Ekran əsəri 3 mövsümdən ibarətdir.