Bizim zəmanəmiz yetişdi

1945-ci ildə Stokholm İkinci Dünya müharibəsinin bitməsini bayram edir, küçələrdə şənlik ab-havası hökm sürür. Coşğulu izdihamın arasında kasıb gənc Kalle varlı ailənin qızı Nina Levanderi öpür. Bu təsadüfi tanışlıq unudula bilərdi, lakin bir müddət sonra Kalle Levanderlər ailəsinə məxsus dəbdəbəli restorana aşpaz köməkçisi kimi işə düzəlir.

Lakin müharibə illəri restoran biznesinə ağır zərbə vurub və ailə ciddi maliyyə sıxıntısı çəkir. Ninanın qardaşlarından biri borcları qaranlıq yollarla bağlamağa çalışır, digər qardaş Peter isə cəbhədən qayıdaraq idarəçiliyi ələ almaq istəyir. Bacılarının sadə bir mətbəx işçisinə aşiq olması qardaşlar arasındakı gərginliyi daha da artırır.

İsveç istehsalı olan «Our Time is Now» dram serialı dörd mövsümdən ibarətdir. Layihənin rejissorluğunu Harald Hamrell və Anna Zakrisson edib. Əsas rollarda Hedda Steynsted, Çarli Qustafsson, Anna Byelkerud və Adam Lundqren çəkiliblər.