Sıla

Mardinli yoxsul ailənin qızı olan Sıla hələ üç yaşında ikən İstanbula, varlı bir ailəyə övladlığa verilir. Qız qayğı və rifah içində böyüyür, yüksək təhsil alır və onu doğma övladı kimi sevən valideynlərin yanında xoşbəxt həyat sürür. Onun doğma kəndində qalan bioloji ailəsi ilə heç bir əlaqəsi olmur.

Mardində böyüyən qardaşı yerli varlı ailənin qızını qaçıranda isə kənddə vəziyyət kəskinləşir. Qan davasının qarşısını almaq üçün tərəflər qədim «bərdəl» adətinə uyğun olaraq Sıla ilə həmin ailənin oğlu Boranın evlənməsini tələb edir. Qızı yalanla doğulduğu torpaqlara gətirib razılığı olmadan ərə verməyə çalışırlar. Sıla bu sərt adət-ənənələrə qarşı çıxsa da, zamanla sevgi hissi onu da yaxalayır.

Türkiyə istehsalı olan «Sıla» serialı rejissor Gül Oğuz tərəfindən çəkilib və 3 mövsümdən ibarətdir. Ekran əsərində baş rolları Cansu Dərə, Mehmet Akif Alakurt, Zeynep Eronat və Menderes Samancılar canlandırıb. Layihə 2006-cı ildə yayımlanıb.