Bədheybət

Sofi adlı gənc qız əcnəbi bir tələbə ilə tanış olur və aralarında güclü hisslər yaranır. Eşqə qapılan qəhrəman sevgilisinin təklifini düşünmədən qəbul edərək qısa müddətdə onunla ailə həyatı qurur. Hər şey ən gözəl xəyallardakı kimi başlasa da, bu vəziyyət uzun sürmür.

Nikahdan dərhal sonra həyat yoldaşının əsl siması üzə çıxır. Sofi mükəmməl sandığı sevimli ərinin əslində amansız, aqressiv və onu daim idarə etməyə çalışan qəddar bir manipulyator olduğunu görür.

Kanada istehsalı olan «Le Monstre» dram serialı 2019-cu ildə işıq üzü görüb. Layihənin rejissoru Patris Sovdur, əsas rolları isə Roz-Mari Perro, Mehdi Meskar, Amine Ben Salah və Mişel Laperriye ifa edir.