Aristokratlar

XVIII əsrin ortalarında II Georqun sarayında yüksək təbəqənin dəbdəbəli ziyafətləri və siyasi intriqaları cərəyan edir. İngiltərənin ən nüfuzlu simalarından olan lord Riçmondun malikanəsində oğlu Çarlz və dörd qızı — Kerolayn, Emili, Luiza və Sara böyüyür. Böyük qız həddi-büluğa çatdıqda valideynləri üçün onun gələcək evliliyi əsas məsələyə çevrilir.

Gənc ledi qonaqlıqların birində dövlət xadimi Henri Foksun diqqətini cəlb edir və o, qızın əlini istəyir. Ailənin qəti etirazına baxmayaraq, cütlük gizlicə evlənir və qəzəblənən lord qızını evdən qovur. Lakin tezliklə ailə başçısının qəfil ürək tutmasından vəfat etməsi doğmalar arasında miras bölgüsünə yol açır.

«Aristocrats» tarixi dram serialı 1999-cu ildə Böyük Britaniya, ABŞ və İrlandiyanın birgə istehsalı ilə çəkilib. Rejissoru Devid Keffri olan layihədə əsas rolları Şan Filips, Alan Armstronq, Ben Deniels və Serena Qordon canlandırıblar.