Çıxılmaz vəziyyət

«Böyük qardaş» televiziya şousunun iştirakçıları iki aydır ki, tam təcrid olunmuş məkanda qalırlar. Qapalı yerdə gərginlik son həddə çatıb və onlar bir-birlərinə qarşı dözümsüzlük nümayiş etdirirlər. Lakin studiyadan kənarda qəfildən dəhşətli hadisələr baş qaldırır.

Ətraf aləmdə demək olar ki, sağ insan qalmayıb və «Dead Set» serialının qəhrəmanları zombilərin hücumu ilə üz-üzə gəlirlər. Şou iştirakçıları artıq televiziya oyunu üçün deyil, canlı ölülərin hücumundan qorunmaq və həyatda qalmaq üçün mübarizə aparmağa məcbur olurlar.

Böyük Britaniya istehsalı olan bu qorxu serialı 2008-ci ildə işıq üzü görüb. Ekran əsərinin rejissoru Yann Demanjdır, əsas obrazları isə Ceymi Uinston, Endi Nayman, Riz Əhməd və Çizzi Akudolu canlandırıblar.