Özü günahkardır?

2017-ci ildə Moskva vilayətinin Serpuxov şəhərində baş verən hadisə bütün cəmiyyəti sarsıtdı. Dmitri Qraçov gənc həyat yoldaşı Marqaritanın əllərini balta ilə kəsərək ona qarşı qəddar zorakılıq törətdi. Bu dəhşətli olaydan sonra qadının adı uzun müddət medianın diqqət mərkəzində qaldı.

Qraçov intiqam planını əvvəlcədən ən xırda detalına qədər hazırlamışdı. O, qətldən qaçaraq yalnız ağır bədən xəsarəti yetirməyə görə az cəza almağı və otuz yaşını azadlıqda qarşılamağı hədəfləyirdi. İşgəncə müddətini və xəstəxanaya çatma vaxtını dəqiq hesablayan cinayətkar planını həyata keçirdikdən sonra mətbuat onu «Serpuxov Otellosu» adlandırdı. Jurnalistlər hadisənin təfərrüatlarını araşdırmağa və baş verənlərdə qadının da məsuliyyət daşıyıb-daşımadığını müzakirə etməyə başladılar.

2023-cü il istehsalı olan dram janrlı «Özü günahkardır?» serialının rejissoru Sarik Andreasyandır. Rusiyada çəkilən layihədə əsas obrazları Anna Qlaube, İqor Tsareqorodtsev, Olqa Kabo və Olqa Smirnova canlandırıblar.