Kompanyonka

Fotoqraf Liza sərgilərin birində Oleq Orlovla tanış olur və onun xəstə qızı Saşaya dayəlik etməyə razılaşır. Əvvəlcə şıltaq uşaqla dil tapmaq asan olmasa da, zamanla aralarında bağ yaranır. Üstəlik, Saşa Lizaya vaxtilə həyatını itirmiş kiçik bacısını xatırladır.

Çox keçmədən Liza qızcığazın qorxulu yuxular gördüyünü öyrənir: Saşa gecələr dünyasını dəyişmiş anasının gəlib onu apardığını düşünür və tezliklə öləcəyinə inanır. Atası və ögey anası Kristina bu sözlərə əhəmiyyət vermirlər. Lakin bir gecə həmin qorxulu kölgə ilə Liza özü qarşılaşır və uşağı kimin qorxutduğunu anlamağa çalışır.

«Kompanyonka» adlı dram serialı rejissor Yeva Strelnikova tərəfindən lentə alınıb. Rusiya və Ukrayna istehsalı olan layihə 2019-cu ildə işıq üzü görüb. Baş rolları Sergey Strelnikov, Yekaterina Varçenko, Viktoriya Litvinenko-Yasinovskaya və Valeri Pankov canlandırıblar.