I Aleksandr

Gələcək hökmdar nənəsi II Yekaterinanın və avropalı müəllimi Laharpın təsiri altında böyüyərək liberal baxışları mənimsəyir. Gənc varis Napoleonun ilk uğurlarını təqdir edir, Rusiyada da respublika üsul-idarəsinin qurulacağını arzulayır. Pavelin hakimiyyəti illərində islahatlara ümid bəsləsə də, zaman keçdikcə atasının həm ailədəki, həm də dövlət idarəçiliyindəki davranışlarından tamamilə məyus olur.

Saray sui-qəsdi nəticəsində atası həlak olduqdan sonra vicdan əzabı çəkən monarx taxta əyləşməyə məcbur qalır. «I Aleksandr» tarixi serialı yeni imperatorun anasının nüfuzuna və zadəganların intriqalarına qarşı apardığı mübarizəni əks etdirir. Eyni zamanda ölkə qarşısında böyük təhlükə formalaşır: Napoleon ordusu ilə qaçılmaz müharibə artıq an məsələsidir.

Ekran əsərinin quruluşçu rejissoru Artyom Nasıbulindir. Baş rolu Yevgeni Romantsov canlandırıb, digər obrazlarda isə Anastasiya Krılova, Fyodor Lavrov və Anna Banşikova çıxış edirlər. Rusiya istehsalı olan tarixi dram 2025-ci ildə təqdim olunub.