Dirt

Lüsi Spiller Hollivudun iki mühüm mətbu orqanına rəhbərlik edir. Nüfuzlu «Now» dərgisi ilə yanaşı, onun nəzarətində yalnız həqiqətləri yaydığını iddia edən «Dirt» tabliodi fəaliyyət göstərir. Bu nəşrlərdə işıq üzü görən tək bir yazı belə insanın həyatını məhv etməyə və ya onu məşhura çevirməyə qadirdir.

Ətrafdakı məşhurlar və hətta öz işçiləri Lüsinin sərt idarəçiliyinə nifrət bəsləyirlər. Onun yeganə sirdaşı və sadiq köməkçisi, şizofreniya xəstəliyindən əziyyət çəkən istedadlı fotoqraf Don Konkidir. Eyni zamanda, sevgilisi Culiyanın kölgəsində qalan keçmiş ulduz Holt Maklaren itirdiyi populyarlığı geri qaytarmaq üçün hər cür addıma əl atır və redaktorun maraq dairəsinə düşür.

ABŞ istehsalı olan «Dirt» dram serialı 2007-ci ildə rejissorlar Kris Lonq və Metyu Karnahan tərəfindən lentə alınıb. Baş rolları Kortni Koks, İan Hart, Coş Stüart və Aleksandra Brekenric canlandırıb. Layihə 2 mövsümdən ibarətdir.