Kraliçe

«Kraliçe» dram serialı cəmiyyətdə tanınan bir cütlüyün qəfil sarsılan həyatından bəhs edir. Ölkənin ən məşhur basketbolçularından biri olan Ateş və onun həyat yoldaşı Deniz kənardan baxanda möhkəm görünən bir ailəyə malikdirlər. Lakin idmançının adının hallandığı böyük intim qalmaqal bütün ölkədə səs-küy yaradır və onların birgə həyatını darmadağın edir.

Baş verənlərdən sonra Deniz və Ateş ictimaiyyətin təzyiqi altında ailə münasibətlərini qorumaq məcburiyyətində qalırlar. Qəhrəmanlar itirilmiş inamı bərpa etmək və dağılmış ailə ocağını yenidən dirçəltmək üçün öz köklərinə qayıtmalı olurlar. Hər iki tərəf üçün böhranla mübarizə aparmaq çətin sınağa çevrilir.

Türkiyə istehsalı olan bu layihə 2023-cü ildə işıq üzü görüb. Serialın rejissor kürsüsündə Cevdet Mercan və Serhan Şahin əyləşib. Baş rolları Burcu Özberk, Gökhan Alkan, Selin Şekerci və Özgün Karaman canlandırıb.