1992

Hadisələr doxsanıncı illərin əvvəlində Milan şəhərində cərəyan edir. Şəhərdə maliyyə fırıldaqlarına, rüşvətxorluğa və çirkli pulların yuyulmasına qarşı genişmiqyaslı hüquqi əməliyyat başladılır. Bu araşdırmanın əsas hədəfi isə QİÇS virusuna yoluxmuş qan satan böyük əczaçılıq şirkətinin sahibi Mikele Maynagi olur.

Aparılan təhqiqat müxtəlif insanların talelərini bir araya gətirir. Həmin şirkətin fəaliyyəti nəticəsində virusa yoluxan gənc polis Luka Pastore intiqam almağa çalışır. Eyni zamanda iş adamının məşuqəsi Veronika, parlamentə namizəd Pyetro Bosko və reklam mütəxəssisi Leonardo Notte də bu mürəkkəb hadisələrin iştirakçısına çevrilirlər.

İtaliya istehsalı olan «1992» dram serialı 2015-ci ildə nümayiş olunub. Ekran əsərinin rejissoru Cüzeppe Qalyardidir, əsas rolları isə Stefano Akkorsi, Quido Kaprino, Miriam Leone və Domeniko Dyele canlandırıb.