Yaşıl mer

Paytaxt universitetindən qovulan Kirill doğma əyalət şəhərinə qayıdır. Lakin o, bir vaxtlar gözəl olan təbiətin acınacaqlı vəziyyətdə olduğunu görür: yerli fabrik çayı çirkləndirir, meşələr qırılır və ətrafda zibilxanalar yaranır. Yaşlı mer isə bütün bunlara göz yumaraq vəzifəsini fabrikin sahibi olan iş adamı Zuyevin adamına təhvil verməyə hazırlaşır.

Doğma şəhərini ekoloji fəlakətdən və korrupsiyadan qorumaq istəyən Kirill uşaqlıq dostlarını bir araya toplayır. Gənclər «yaşıl» hərəkat təsis edir və mer postuna öz namizədlərini irəli sürürlər. Onlar həm şəhərin qeyri-rəsmi sahibinə, həm də yerli sakinlərin inamsızlığına qarşı çətin mübarizəyə başlayırlar.

2021-ci il istehsalı olan «Zelyonıy mer» adlı komediya və dram serialı Rusiyada çəkilib. Layihənin rejissorları Fyodor Balvanoviç və İlya İpatovdur. Baş rolları İlya Malanin, Filipp Yerşov, Vasili Kopeykin və Yekaterina Karateyeva canlandırıblar.