Xoşbəxtlik qırıntıları

Baş verən yol qəzası qadının həyatına son qoyur və onun həyat yoldaşı üç uşaqla təkbaşına qalır. Ağır itkiyə baxmayaraq, ata ruhdan düşməməyə çalışır, çünki övladlarının hər birinin özünəməxsus qayğıları və çətinlikləri var.

Evdəki əşyaları səliqəyə salarkən kişi rəhmətə getmiş arvadının gündəliyinə rast gəlir. Həmin qeydlərdən məlum olur ki, həyat yoldaşı illərlə ona xəyanət edib və böyük qız onun doğma övladı deyil. Digər uşaqların da kimdən olması barədə şübhələr yaranır. Belə bir vəziyyətdə mərhumun yaxın rəfiqəsi köməyə çatır, uşaqlara arxa durur və kişinin həyatında tədricən mühüm yer tutmağa başlayır.

2015-ci ildə çəkilmiş Rusiya istehsalı olan «Oskolki sçastya» («Xoşbəxtlik qırıntıları») melodram serialı 2 mövsümdən ibarətdir. Ekran əsərinin quruluşçu rejissoru Aleksey Prazdnikovdur, rolları isə Yuri Baturin, Yuliya Jiqalina, Oleq Çuqunov və Liza Leonova canlandırıblar.