Qəza

Paytaxt prospektlərinin birində baş verən toqquşma bir neçə ailənin taleyini dəyişir. «Bosomoil» neft şirkətinin rəhbəri Şuminin limuzini qarşı zolağa çıxaraq həkim Krasnovun idarə etdiyi avtomobili əzir. Həkim həlak olur, onun doğum evinə apardığı hamilə həyat yoldaşı Jenya isə təcili yardım maşınında uşaq dünyaya gətirir.

Neft şirkətinin rəhbərliyi Şumini cinayət məsuliyyətindən qurtarmaq üçün bu cür problemləri səssizcə həll edən Lujini işə cəlb edir. Məsələni ört-basdır etmək istəyən Lujinin qarşısına isə zənginləri ifşa edərək ədaləti bərpa etməyə çalışan jurnalist Baksarov çıxır.

2017-ci ildə çəkilən «Авария» serialı dram və melodram janrındadır. Rusiyada istehsal olunan layihənin rejissoru Vladimir Koyfmandır. Əsas obrazları Yekaterina Reşetnikova, Denis Matrosov, Anna Mikloş və Sergey Perequdov canlandırıblar.