Boz kardinallar

Fransa prezidentinə edilən qəfil sui-qəsd bütün dövləti sarsıdır. Yeni seçkilərin təşkil olunması üçün cəmi 35 gün vaxt qalır və siyasi kuluarlarda gərginlik pik həddə çatır. Baş nazir öz namizədliyini irəli sürməyə hazırlaşarkən törədilmiş hücumla bağlı mühüm məlumatları ictimaiyyətdən gizlədir.

Ölən liderin keçmiş ictimaiyyətlə əlaqələr üzrə müşaviri Simon Kapita yenidən siyasi meydana qayıdır. O, dostunun xatirəsini və siyasi prinsipləri qorumaq naminə mövcud hökumət başçısına qarşı mübarizəyə başlayır. Kapita qısa müddət ərzində baş nazirə qalib gələ biləcək güclü rəqib tapmaq məcburiyyətində qalır.

Fransa istehsalı olan «Les hommes de l'ombre» dram serialı 2012-ci ildə işıq üzü görüb və üç mövsümdən ibarətdir. Ekran əsərinin rejissorluğunu Frederik Tellier və Jan-Mark Brondolo edib, əsas obrazları isə Brüno Volkoviç, Qreqori Fetussi, Filipp Manyan və İv Pinyo canlandırıb.