Kafedra

Professor Kim Ci-yun Pembruk Universitetində ingilis dili kafedrasına rəhbərlik edən ilk asiyalı qadın olur. Yeni vəzifəsində o, dərhal kollektiv daxilindəki çətinliklərlə üzləşir. Yaşlı müəllimələrdən biri otağının zirzəmiyə köçürülməsinə etiraz edir, rəhbərlik isə dərslərinə az tələbə gələn yüksək maaşlı əməkdaşların işdən çıxarılmasını tələb edir.

Ci-yun həmçinin övladlığa götürdüyü qızı ilə ümumi dil tapmaqda çətinlik çəkir, iş yerində isə həmkarı Bill Dobson əlavə qayğılar yaradır. Həyat yoldaşının vəfatından sonra sarsıntı keçirən sevimli mühazirəçi spirtli içkilərə qurşanır və dərslərə gecikir. Dərs zamanı Billin zarafatla göstərdiyi nasist salamının videosu internetdə yayıldıqda kafedrada vəziyyət daha da gərginləşir.

ABŞ istehsalı olan «Kafedra» komediya-dram serialı 2021-ci ildə nümayiş olunub. Ekran işinin rejissoru Deniel Qrey Lonqinodur, baş rolları isə Sandra O, Cey Dyuplass, Bob Balaban və Nana Mensa canlandırıb.