Mələyin səsi

Otuz yaşlı Valentina kiçik bir kənddə həkim işləyir. O, həyatı boyu valideynlərinin itkisi, sevgilisindən ayrılıq və övladının ölümü kimi sınaqlarla üzləşib. Ən yaxın insanı olan kiçik bacısı Oksana isə məktəbi bitirən kimi ərə getmək istədiyini bildirəndə aralarında mübahisə düşmüş və küsən qız çıxıb naməlum istiqamətə getmişdi.

İllər boyu davam edən axtarışlardan sonra Valentina bacısının hansı şəhərdə məskunlaşdığını tapır. Lakin qadını növbəti acı xəbər gözləyir: Oksana avtomobil qəzasına düşərək həyatını itirib. Baş verənlərlə barışa bilməyən Valentina bu faciənin bütün təfərrüatlarını aydınlaşdırmağa qərar verir.

«Mələyin səsi» adlı Ukrayna istehsalı dram serialı 2019-cu ildə çəkilib. Ekran əsərinin rejissoru Vera Yakovenkodur, əsas rollarda isə Sofiya Kotlyarova, Nastya Zadorojnaya, Darya Petrojitskaya və Nikolay Boklan çəkiliblər.