Meri və Mayk

İki uşaq böyüdən ər-arvad şəhər kənarında yaşayaraq ətrafdakılara nümunəvi və sakit bir ailə təsiri bağışlayır. Onlar qonşularla mehriban münasibət saxlayır, dostlarını evlərinə qonaq çağırır və birlikdə şənliklər təşkil edirlər. Lakin bu mehriban həyat tərzinin arxasında gizli və qorxunc bir reallıq dayanır.

Evin arxa həyətində əslində insanlara işgəncələr verilir və kütləvi qırğın silahları üzərində sınaqlar aparılır. Bu cütlük Çili məxfi polisinin xüsusi agentləri kimi fəaliyyət göstərir. Onların əsas vəzifəsi general Auqusto Pinoçetin hərbi diktaturasına qarşı çıxan müxalifət liderlərini aradan qaldırmaqdan ibarətdir.

«Mary & Mike» triller serialı 2018-ci ildə Çili və Argentina istehsalı olaraq ekranlara çıxıb. Layihənin rejissorluğunu Xulio Xorkera Erriaqada və Esteban Larrain həyata keçirib. Baş rolları Mariana Loyola, Andres Rilyon, Konsuelo Karrenyo və Elias Kollado canlandırırlar.