İnsafsız resurs

Əlli yeddi yaşlı Alen Delambr artıq altı ildir ki, daimi iş tapa bilmir. Vaxtilə kadrlar üzrə rəhbər vəzifədə çalışan mütəxəssis üçün uzunmüddətli işsizlik ağır sınağa çevrilir. Nüfuzlu bir şirkət onun müraciətinə diqqət yetirəndə Alen yenidən peşəkar fəaliyyətə qayıtmaq üçün əlinə fürsət düşdüyünü düşünür.

İstədiyi vəzifəni əldə etmək üçün o, hər cür alçaqlığa getməyə hazır vəziyyətə gəlir. Qəhrəman inanır ki, uğur qazandıqdan sonra atdığı bütün pis addımlar unudulacaq. Lakin işə qəbul prosesi onun gözləmədiyi təhlükəli istiqamətə yönəlir.

Fransa istehsalı olan «Dérapages» serialı 2020-ci ildə rejissor Ziad Dueri tərəfindən çəkilib. Baş rolları Erik Kantona, Süzann Kleman, Aleks Luts və Qustav Kervern ifa ediblər.