Medcezir

İstanbulun yoxsul məhəlləsində böyüyən Yaman kiçik yaşlarından həm oxuyub, həm də işləyərək ailəsinin çətinliklərinə dözməyə çalışır. Atasının evi tərk etməsi və anasının sevilməyən bir adamla birlikdə olması gəncin həyatını daha da mürəkkəbləşdirir. Yaman üçün yeganə nümunə böyük qardaşı Kənan olsa da, qardaşı əslində cinayətkar bir həyat tərzi sürür.

Kənanın maşın oğurlaması nəticəsində Yaman da heç bir günahı olmadan bu işə şərik edilir və həbsxana təhlükəsi ilə üz-üzə qalır. Həyatının ən çətin anında onun qarşısına taleyini dəyişdirəcək vəkil Səlim Sərəz çıxır.

Türkiyə istehsalı olan «Medcezir» dram serialı 2013-cü ildə rejissor Ali Bilgin tərəfindən çəkilib. İki mövsümdən ibarət layihənin baş rollarında Çağatay Ulusoy, Serenay Sarıqaya, Barış Falay və Mine Tuqay yer alır.