Silomda sevgi

Polis əməkdaşı Krit sərt qaydaları olan çin mənşəli ailədə böyüyüb və daim böyüklərin tələblərinə boyun əyməli olub. Doğmalarının təzyiqi səbəbindən şəxsi həyatını gizlədən gənc, sevdiyi insanın onu şöhrət naminə tərk etməsi ilə üzləşir və bu xəyanətdən sonra insanlara olan inamını itirir.

Eyni vaxtda tələbə Vayu da çətin sınaqlarla qarşılaşır. Valideyn dəstəyindən məhrum qalan gənc, qaçıb gedən bacısının körpəsinə təkbaşına baxmaq məcburiyyətindədir və dolanışıq üçün gecə klubunda işləməyə başlayır. Məkanda aqressiv müştəri ilə yaranan mübahisəyə Kritin müdaxilə etməsi və Vayunu qoruması onların taleyini birləşdirir.

Tailand istehsalı olan «Silomda sevgi» (Rak Haeng Silom) dramatik serialı 2026-cı ildə çəkilib. Layihənin rejissor kürsüsündə Nice Weerawit Chaiwattana və Pepzi Banchorn Vorasataree əyləşib, baş rolları isə Poom Phuripan Sapsangsawat və Up Poompat Iam-samang canlandırıb.