Leap Day

Dey günorta radələrində, Nayt isə gecə yarısı dünyaya gəlsə də, hər ikisi fevralın 29-da anadan olub. Qeyri-adi doğum tarixi onlar üçün amansız bir bəlaya çevrilir: hər dörd ildən bir məhz bu təqvim günündə onların ən çox sevdiyi bir nəfər həyatını itirir. Yaxınlarını qorumaq üçün gənclər insanlarla məsafə saxlamağa çalışsalar da, illər keçdikcə həyatlarında həqiqətən dəyər verdikləri kəslər peyda olur.

Növbəti 29 fevral yaxınlaşdıqca əzizlərinin həyatı yenidən böyük təhlükə altına düşür. Baş verəcək növbəti itkilərin qarşısını almaq üçün Dey və Nayt qüvvələrini birləşdirmək qərarına gəlirlər. Onlar bu sirli lənətin arxasında nəyin dayandığını öyrənməyə və bədbəxtliklər silsiləsini birdəfəlik dayandırmağa çalışırlar.

Tayland istehsalı olan dram və triller janrındakı «Leap Day» serialı 2025-ci ildə ekranlara çıxıb. Layihənin rejissor kürsüsündə Bo Pantip Vibultham və Namtansai Phattharathida Kaewsuksai əyləşib, əsas obrazları isə Dew Jirawat Sutivanichsak, "Night" Rattikan Chayutra və Gun Atthaphan Phunsawat canlandırır.