Venus’s Groom

Pakin qardaşının ölümünə görə intiqam almaq fikrinə düşür və faciədə günahlandırdığı şəxsi cəzalandırmağı qarşısına məqsəd qoyur. O, zəngin hotel şəbəkəsinin gənc varisini qaçıraraq gözdən uzaq, kimsəsiz bir məkanda əsir saxlayır.

Lakin çox keçmədən böyük bir yanlışlıq üzə çıxır. Zahiri bənzərlik ucbatından girov götürülən gəncin əslində intiqam hədəfi olmadığı, onun tamamilə günahsız olan Venus adlı başqa bir şəxs olduğu aydınlaşır. Ağır şəraitdə bir yerdə qalmaq məcburiyyəti və gəncin fərqli xasiyyəti qaçıran tərəfin əsirinə olan münasibətini tədricən dəyişməyə başlayır.

«Venus’s Groom» adlı Tailand istehsalı olan dram serialı 2026-cı ildə ekranlara çıxıb. Layihədə əsas rolları Title Thanakorn Chindaporn və Kitt Sorakit Napasuppakran canlandırır.