And

Kənddə tənha və sakit bir həyat sürən Reyhan anasının vəfatından sonra tək qalır. Günlərin birində ona doğma əmisi kimi qayğı göstərən varlı iş adamı Hikmət Tarhun qızın yanına gələrək gözlənilməz bir xahiş edir. Ağır xəstəlikdən əziyyət çəkən biznesmen məsuliyyətsiz və dəcəl oğlu Əmiri nizam-intizama öyrətmək üçün qızdan onunla ailə qurmasını istəyir.

Əvvəlcə gənc qız bu təklifi qəbul etmək istəmir, çünki oğlanın razılığı olmadan belə addım atmağı ədalətsiz sayır. Lakin Hikmətin sağalmaz dərdi olduğunu öyrəndikdən sonra ona yox deyə bilmir və Əmirdən əsla boşanmayacağına dair söz verir. Məcburi evliliyə qəzəblənən oğlan isə əksinə, nəyin bahasına olursa-olsun bu nikaha son qoyacağına and içir. Hər iki tərəfin inadına baxmayaraq, bu qarşıdurma zamanla gözlənilməz sevgiyə çevrilir.

Türkiyə istehsalı olan «Yemin» dram serialı 2019-cu ildə yayımlanmağa başlayıb və 3 mövsümdən ibarətdir. Layihənin rejissorluğunu Mahir Aktaş və Serkan Mut həyata keçirib. Baş rolları Gökberk Demirci, Can Verel, Esra Çoban və Gül Arcan canlandırıblar.