Marianne

Emma adlı gənc yazıçı qız Lizzi ilə qəddar ifritənin mübarizəsindən bəhs edən qorxu romanları sayəsində şöhrət qazanıb. Uşaqlıqdan bəri gördüyü dəhşətli qarabasmaları kitablara köçürən müəllif nəhayət qorxularından xilas olduğunu düşünür. Lakin silsilənin sonuncu hissəsini təqdim etdikdən sonra uşaqlıq rəfiqəsi Karolin peyda olur və Emmanın gözləri qarşısında intihar edir.

Bu qanlı hadisədən sonra Emma böyüdüyü doğma qəsəbəyə getmək məcburiyyətində qalır. Orada onu qarşılayan rəfiqəsinin anası kitablardakı ifritə olduğunu iddia edir. Qisasçı varlıq yaxınlarının həyatı ilə hədələyərək yazıçını yeni kitablar qələmə almağa məcbur edir, çünki insanlar ondan oxuduqca ifritənin gücü daha da artır.

Fransa istehsalı olan «Marianne» serialı 2019-cu ildə rejissor Samuel Bodin tərəfindən ekranlaşdırılıb. Əsas rolları Viktuar Dü Bua, Lüsi Bujena, Tifen Davyo və Ralf Amussu canlandırır.